स्वास्थ्य उपचारको हकबाट वन्चित नगर्न उच्च अदालतबाट आदेश जारी

सोम गुरुङ,नेपालगन्ज १६ कार्तिक / बर्दिया जिल्लाका नागरिकहरुलाई तत्काल

रोगको  औषधी उपचार, परिक्षण र उनीहरुको स्वास्थ्य उपचारको हकबाट वन्चित

नगर्नु , नगराउनु भनी विपक्षीहरुका नाउँमा उच्च अदालत तुलसीपुर नेपालगन्ज

इजलासबाट उच्च अदालत नियमावली २०७३ को नियम ४२(१) बमोजिम आदेश जारी

गरिएको छ ।  परमादेश लगायत उपयुक्त आदेश जारी गरी पाउँ माग राख्दै २०७५

कार्तिक ८ गते उच्च अदालत तुलसीपुर ईजलाश नेपालगजंमा परेको सार्वजनिक

सरोकारको रिट निवेदन उपर आज १६ गते भएको बहसमा उच्च अदालत तुलसीपुर

नेपालगन्ज इजलासका माननीय न्यायाधीश विष्णुदेव पौडेल र माननीय न्यायाधीश

खुशी प्रसाद थारुको संयुक्त ईजलासबाट विपक्षीको नाउँमा आदेश जारी भएको हो

।

सो सार्वजनिक सरोकारको रिट निवेदन दिनेहरुमा सूचना र मानव अधिकार

अनुसन्धान केन्द्रका सदस्य लक्ष्मी ज्ञवाली, बर्दिया गुुलरिया नगरपालिका

निवासी सिमा हमाल रहेका छन् । विपक्षीहरुमा जिल्ला जनस्वास्थ कार्यालय

बर्दिया, गुलरिया न.पालिका को कार्यालय बर्दिया, जिल्ला अस्पताल बर्दिया

गुलरिया र जिल्ला अस्पताल बर्दिया गुलरिया सचांलन तदर्थ समिति  बर्दिया

रहेका छन् । १६ गते भएको बहसमा निवेदकहरुको पक्षबाट अधिवक्ताहरु शालिकराम

सापकोटा, लोक बहादुर शाह, बसन्त गौतम,विश्वजित तिवारी, विकास आचार्य, राम

कुुमार दिक्षित र सनत कुमार शर्मा समेतले बहस गर्नु भएको थियो  भने

विपक्षी तर्फबाट उच्च सरकारी वकील कार्यालय नेपालगन्जका तर्फबाट उपस्थित

शाखा अधिकृत खुम बहादुर कुवरले बहस गर्नु भएको थियो ।

       बर्दिया जिल्ला अस्पतालमा नेपाल सरकारले तोकेको दरवन्दी भएपनि सो

दरवन्दी अनुुसार चिकित्सक,नर्स,कर्मचारीहरु पर्याप्त नहुदाँ बिरामीहरु

सेवासुविधाहरुबाट वन्चित हुनु परेको छ ।  हाल जनस्वास्थ्य सेवा ऐन २०७५

पनि लागु भईको अवस्था छ । नेपालको संविधानले प्रत्याभुत गरेको निशुल्क

आधारभुत स्वास्थ्य सेवा तथा आकस्मिक स्वास्थ्य सेवा पाउने हक कार्यान्वयन

गर्न र स्वास्थ्य सेवालाई नियमित प्रभावकारी ,गुणस्तरिय तथा सर्वसुलभ

तुल्याई नागरिकको पहुच स्थापित गर्नको लागि जनस्वास्थ्य सेवा ऐन २०७५ को

प्रस्तावना ऐ को दफा २ (क) मा आकस्मिक स्वास्थ्य सेवा, २ (ख) मा आधारभुत

स्वाथ्य सेवा परिच्छेद २ मा सेवाग्राहीको अधिकार ,कर्तव्य तथा स्वास्थ्य

संस्थाको दायित्व दफा ३ स्वास्थ्य सेवाको पहुच तथा सुनिश्चितता,दफा ४ मा

आकस्मिक उपचार,दफा ५ विशेषज्ञ सेवा,दफा ६ प्रेषण (रेफरल) सेवा दफा ७ मा

गुणस्तीय स्वास्थ्य सेवा प्रदान गर्नै दफा १० मा सेवाग्राही लाई जानकारी

दिनु पर्नै दफा १५ डिस्चार्ज (बहिर्गमन ) साराशं दिनु पर्नै,दफा १६

स्वास्थ्य संस्थाको दायित्व दफा २५ स्वास्थ्य संस्थाले गुणस्तर कायम

गर्नु पर्ने समेतको कानुनी व्यवस्था रही आएको छ ।

SHARE

Author

Hi, Its me Hafeez. A webdesigner, blogspot developer and UI/UX Designer. I am a certified Themeforest top Author and Front-End Developer. I'am business speaker, marketer, Blogger and Javascript Programmer.

• 
• 
• 
• 
•